Ўзбекистон миллий терма жамоаси бош мураббийи Вадим Абрамов ЖЧ-2022 саралаши доирасидаги Яманга қарши ўйиндан олдин матбуот анжуманида ўз фикрлари билан бўлишди.
"Бизда мақсад ўша-ўша. Кейинги босқичга чиқиш учун ҳар кейинги ўйинга жиддий тайёрланамиз.
Биз ҳар бир ўйинимизни ютишимиз керак. Яманни ҳурмат қиламиз. Улар ҳам бу ерда ўз уйидагидек ҳис қилишади. Яманлик мухлислар кўп. Биз ҳозир фақат Яман ҳақида ўйлаяпмиз.
Яманга қарши ўйин ҳақида ўйлашимиз керак. Машариповдан яхши футбол кутаман. У яхши футболчи ва лидерлардан бири. Шу ерда ҳам ўзини кўрсатиши керак.
Ҳар жамоа рақиби имкон берганчалик ўйнайди. Бизга ўз ўйинимизни кўрсатишга имкон берилса яхши бўлади. Жароҳатларимиз бор. Шу сабаб эртага баъзи ўзгаришлар қилсак керак", - деди Абрамов.
