Кеча сайтимизда «Бунёдкор» ФК расмий сайтига таяниб, «қалдирғочлар»нинг Туркияга йўналган таркибидан легионерлар Дэвид Ония ва Эмил Кенжасариевлар тушиб қолгани хусусида хабар бериб ўтган эдик.
Маълум бўлишича, ушбу легионерлар ўз ҳужжатлари билан боғлиқ муаамолар сабабли Туркия сафаридан қолиб кетишган. «Бунёдкор» матбуот хизмати вакилларининг хабар беришича, ҳужжатлардаги нуқсонлар тўғирланиши билан легионерлар таркибга бориб қўшилишади.
«Бунёдкор» айни вақтда Туркияга етиб боргани маълум қилинмоқда. Баҳодир Мирзаевнинг Истанбул аэропортидан туриб маълум қилишича, ҳозир мазкур шаҳарда кучли қорбўрон ҳукм сурмоқда. Ааэропортдаги барча рейслар номаълум муддатга кечиктирилган. Жумладан, «Бунёдкор» вакиллари Анталияга учиши лозим бўлган рейс ҳам бекор қилинган. Шу сабабли Тошкен вақти билан 19:30 да учадиган самолётга чипталар харид қилинган.
