Жаҳон чемпионати-2022 саралаш Осиё минтақаси доирасида Мьянма ҳамда Қирғизистон жамоалари "F" гуруҳи 8-турида ўзаро беллашишди.
Учрашув меҳмонларнинг йирик 8:1 ҳисобидаги ғалабаси билан ўз якунига етди. Қирғизистон терма жамоаси сардори Мирлан Мурзаев 3та гол урди, Турсунали Рустамов, Гулжишит Алиқулов, Алимардон Шукуров, Фарҳод Мусабеков ва Абай Боколеев эса ўз ҳисобига 1тадан гол ёздириб қўйишди.
Мезбонлар 1-бўлимдаёқ қизил карточка (24-дақиқа) сабаб битта кам бўлиб қолишди, аммо жамоа иккинчи бўлимда битта бўлса ҳам гол уришнинг уддасидан чиқди.
Энди Қирғизистон Японияга қарши майдонга тушади. Бу жамоада ҳам 2-ўрин учун имконият бор – бунинг учун Япония мағлуб этилиши ва Тожикистон Мьянмани ўта йирик ҳисобда мағлуб этмаслиги керак.
