Баъзи бразилияликлар ўз уйларидан минглаб чақирим нарида ўз фаолиятини қуришмоқда. Улар Европада тўп тепишни ва кўҳна қитьа клубларида тўп тепишни орзу қилишади. Гарчи, бразилия клублари у даражада кучли бўлмасада, терма жамоанинг ҳолати ҳавас қилса арзигудек ҳолатда. Шунингдек, мазкур терма жамоанинг асосий таркибидан жой олишнинг ўзи қийин масала. Шу сабабли, кўпчилик футболчилар ўзлари фаолият олиб бораётан давлат фуқаролигини олиб, терма жамоа ўйинидан баҳраманд бўлишади. Бугун бошланадиган Европа Чемпионатида ҳам улар камчилик эмас. 7 та "пентакампеонлар" Евро-2020да иштирок этади ва бу турнир тарихидаги энг яхши натижа ҳисобланади.
Аслида, Европа чемпионатларида бразилиялик футболчилар сони тобора ўсиб бормоқда: 2004 йилда битта Деко бор эди, 2008 ва 2012 йилларда - учтадан бразилиялик қатнашган бўлса, олтита бразилиялик Евро-2016да ўйнаган. Бу сафар эса уларнинг сони яна биттага ошди.
Шунингдек, жамоавий рекорд ҳам бор: Италия терма жамоасида бирданига учта бразилиялик футболчи ҳаракат қилган пайтлар ҳам бўлган.
Икки бразилиялик эса аллақачон Европа чемпионига айланган. Булар: Маркос Сенна Испания термаси билан Евро-2008да ва Пепе Португалия термаси билан 2016 йилги мусобақада.
Демак, ҳозир Евро-2020нинг барча бразилияликлари билан танишиб чиқамиз:
Пепе (Португалия) Алагоас штати Масейо шаҳри
Пепе - Португалия терма жамоасининг узоқ вақтдан буён тўп тепиб келаётган ўйинчиларидан бири. Бугундан бошлаб Европа чемпионати 38 ёшли ҳимоячи учун фаолиятидаги тўртинчиси бўлади ва мазкур жамоадаги ўйинлар сони бўйича (115) у Криштиану Роналду, Жоау Моутиньо ва Луис Фигудан кейинги ўринда туради. Пепе Еврони ютган икки бразилияликдан бири. У бир йил ичида Европа чемпионлар лигаси («Реал» билан) Европа чемпионатини ютган ягона бразилиялик. 2016 йилдаги чемпионлик ортда қолди. Европа-2020да Пепе беш йил олдин қўлга киритилган чемпионлик унвонини ҳимоя қилишга ҳаракат қилади.
Марио Фернандес (Россия) - Сан-Каэтано-до-Сулда туғилган, Сан-Паулу штати
2017 йилда Россия терма жамоасида ўйнашга қарор қилган "супермарио" аввалроқ Бразилия билан ўртоқлик учрашувида майдонга тушган ва бу унинг "Селесао" билан муносабатларига нуқта қўйган. Унга фуқаролигини ўзгартириш учун ҳеч қандай тўсиқ йўқ эди, энди эса Фернандезнинг россияликлар таркибида 29 учрашув ўтказди ва 5 гол уришга муваффақ бўлди. У руслар таркибида Жаҳон чемпионатида яхши ҳаракат қилди ва эртага у Еврода дебют қилиши керак, бундай имконият аслида, ҳар бир бразилияликка берилмайди.
Эмерсон (Италия) - Сан-Паулу штатининг Сантос шаҳрида туғилган
Бразилияда туғилган чап қанот ҳимоячиси ўтган мавсумда «Челси» таркибида деярли ўйнамади, аммо Чемпионлар Лигасида ғолиб чиқди ва Италиянинг Евро-2020 учун қайдномасидан ўрин олди. Роберто Манчини аслида бразилияликларга имконият беришни ёқтиради десак ҳам бўлаверади. 26 ёшли ҳимоячи Италия термасидаги дебютини 2018 йилда ўтказган эди ва шундан бери 15 учрашувда қатнашишга улгурди.
Жоржиньо (Италия) - Санта-Катаринанинг Имбитуба шаҳрида туғилган
У Антонио Конте бошчилигида Италия терма жамоасида дебютини ўтказган. Жоржиньо Евро-2016да ўйнаши мумкин эди, аммо сўнгги дақиқада у рўйхатдан тушиб қолди. Энди ҳаммаси бошқача: Жоржиньо нафақат Европа чемпионатида «скуадра адзурра» таркибига кирди, балки у биз асосий таркибда кутаётган Роберто Манчини жамоасидаги учта бразилияликдан ягонаси ҳисобланади. Эслатиб ўтишимиз керакки, Эмерсон ва Жоржиньо Пепенинг беш йил олдинги ютуғини такрорлашлари мумкин. Улар «Челси» билан Чемпионлар Лигасида ғолиб бўлишган ва энди улар аллақачон миллий жамоалар даражасида Европа чемпиони бўлишни орзу қилишмоқда.
Рафаэл Толои (Италия) - Глория двестида туғилган, Мато Гроссони штати
2022 йил март ойида Литвага қарши бўлиб ўтган ўртоқлик ўйинида Италия терма жамоасидаги дебютини ўтказди, шунингдек, катта старт арафасида Сан-Марино ва Чехия билан синов ўйинларида қатнашди. «Аталанта»нинг марказий ҳимоячиси 26 футболчининг рўйхатига кирди, аммо унинг рақиблари Кьеллини, Бонуччи, Ачерби ва Бастоне эканлигини инобатга олсак, унга бериладиган имкониятлар кам бўлиш эҳтимоли юқори.
Марлос (Украина) - Сан-Хосе дос Пинхайс шаҳрида туғилган, Парана штати
У 2012 йилдан буён Украина клубларида тўп сурмоқда ва Украинадаги беш йиллик ўйинларидан сўнг, шу мамлакат футбол ассоциатциясининг таклифини қабул қилди. Шундай қилиб, Шевченко шогирдлари Евро олдидан ўз таркибини анча кучайтириб олди. У Евро-2020 саралаш ўйинида Литвага қарши ўйинда (3: 0) халқаро ўйинлардаги илк голини урди.
Тьяго Алькантара (Испания)
Тьяго Европада, хусусан Италиянинг Аппенин ярим оролида туғилган, у ерда унинг отаси Мазиньо ўша пайтларда «Леccе»да ўйнаган. Бу ҳолатда туғилган жойнинг аҳамияти йўқ, чунки Тиаго бразилиялик спортчилар, футболчи Мазиньо ва волейболчи Валерия оиласида туғилган. Уларнинг кенжа ўғли Рафиньа Бразилия терма жамоасини танлади, у учун 28 ёшга қадар икки марта ўйнади. Тиаго Испания терма жамоасида эса анча муҳим футболчи, у дебютини 10 йил олдин Висенте дел Боске қўл остида ўтказган ва 42 учрашувда қатнашган.
