Муборакнинг «Машъал» жамоаси сафига финляндиялик футболчи Тони Линдеберг келиб қўшилди. Бу ҳақда клуб расмий сайти хабар тарқатмоқда.
Футболчи марказий ҳимоячи амплуасида тўп суради. У клуб бош мураббийи Владимир Фомичевнинг таклифига биноан Финляндия олий лигаси вакили МАЙПА клуби сафидан «Машъал»га ўтди. Тони Линдеберг 1985 йилнинг 23 сентябрида туғилган.
Юқорида номи келтирилган манбада ёзилишича, скандинавиялик ҳимоячи «газчилар» билан бир йиллик шартномага имзо чекди. У 31 январь куни «Динамо»га қарши кечган ўртоқлик учрашувида майдонга тушиб, битта гол уришга эришди.
«Туркияда эканлигимда «Машъал» бош мураббийи келиб ўйинимни кузатди ва шундан сўнг «Машъал»га ўтишимни сўради. Бироз муддат ўйлаб кўргач, бу таклифга рози бўлдим. Энди Ўзбекистон чемпионатида ўзимни синаб кўрмоқчиман», Тони Линдеберг клуб матбуот хизматига берган интервьюси чоғида.
