Финляндия терма жамоаси бош мураббийи Маркку Канерва Евро-2020 гуруҳ босқичининг 1-турида Дания устидан қозонилган ғалаба (1:0) ҳақида фикр билдирди.
"Кристиан Эриксен билан бўлган воқеа жуда драматик ва қайғули эди. Биз якунда яхши натижага эришдик.
Ушбу ўйинни узоқ вақт эслашимизга бир нечта сабаблар бор. Афсуски, улардан бири Кристиан Эриксен билан бўлган воқеа.
Учрашувни давом эттиришдан олдин мен футболчиларга ҳар қандай ҳолатда ҳис-туйғуларини бошқаришларини айтдим. Ўйинда имкон қадар кўпроқ диққатларини жамлаш кераклигини тушунтиришга ҳаракат қилдим. Аммо бу осон эмаслигини билардим.
