Бугун тунда Испания кубогининг ярим финал дастлабки учрашувларининг биттаси бўлиб ўтди. «Валенсия» майдонига сафар қилган «Барселона» 1:1 ҳисобида дуранг имзолаб қайтди.
Учрашувнинг 27-дақиқасида Карлес Пуйолнинг ўнг қанотда йўл қўйган хатосидан фойдаланган Жонас ҳисобни очди.
Бироқ орадан 10 дақиқа ўтар-ўтмас Пуйолнинг ўзи ҳисобни тенглаштирди. Ҳимоячи бу сафар ҳам рақиб дарвозасини боши билан ишғол этди.
Иккинчи бўлимнинг 10-дақиқасида мезбонлардан Мигель ўз жарима майдони ҳудудида Тьяго Алкантарага нисбатан қўполлик ишлатди ва ҳакам ҳақли равишда 11 метрлик нуқтага ишора қилди. Бироқ Лионель Мессининг зарбасини Диего Альвес тўсиб қолишга муваффақ бўлди.
Эслатиб ўтамиз, ярим финалнинг нариги учрашувида кеча «Мирандес» ўқз майдонида «Атлетик»ка 1:2 ҳисобида имкониятни бой берган эди.
Испания кубоги. Ярим финал. Биринчи учрашув
ВАЛЕНСИЯ – БАРСЕЛОНА 1:1 (1:1)
Голлар: Жонас (27) – Пуйоль (35)
Фойдаланилмаган пенальти: Месси (56)
ВАЛЕНСИЯ: Диего Альвес, Мигель, Матеу, Рами, Хорди Альба, Виктор Руиз, Албелда (Кошта – 67), Банега, Солдадо, Жонас (Адуриз – 75), Пьятти (Фағулий – 59)
БАРСЕЛОНА: Пинту, Пуйоль, Абидаль, Пике, Маскерано, Фабрегас, Бускетс, Алкантара (Дос Сантос – 79), Месси, Санчес (Дани Алвеш – 63), Куэнка (Телло – 87)
Бош ҳакам: Хосе Луис Гонсалес
