Украина терма жамоаси бош мураббийи Андрей Шевченко Голландия жамоасига қарши Евро-2020 гуруҳ босқичининг биринчи ўйини учун жамоанинг кайфияти ҳақида гапирди.
- Ажойиб кайфиятдамиз. Ҳаммаси яхши. Ниҳоят, ушбу футбол байрами биз учун ҳам бошланади. Бу ерда атмосфера жуда яхши. Барчани очилиш учрашуви билан табриклайман. Бизни жуда яхши ўйин кутиб турибди.
Нидерландия терма жамоаси - бу ажойиб ижрочиларга эга жуда қизиқарли жамоа. Ушбу жамоа ўйин таркибини ўзгартира олади ва ҳужумкор футболга мослашган. Албатта улар ўз уйларида ўйнашгани каби катта устунликка эга. Томошабинларнинг қўллаб-қувватлаши табиий равишда сезилади.
Бу биз учун жуда муҳим ўйин. Жамоа бунга тайёр. Биз мукаммал ўйинимизни ўйнашимиз керак. Биз голландларни ҳурмат қиламиз, аммо уларни яхши ўрганиб чиқдик. Ҳар бир ўйин учун алоҳида режамиз бор, уларнинг кучли ва кучсиз томонларини биламиз. Умид қиламизки, якшанба куни биз ажойиб ўйин ўтказамиз ва ижобий натижага эришамиз, - деди Шевченко.
Нидерландия - Украина учрашуви 13 июн куни Амстердамда бўлиб ўтади ва Тошкент вақти билан соат 00:00да бошланади.
