Ukraina terma jamoasi bosh murabbiyi Andrey Shevchenko Gollandiya jamoasiga qarshi Yevro-2020 guruh bosqichining birinchi o‘yini uchun jamoaning kayfiyati haqida gapirdi.

- Ajoyib kayfiyatdamiz. Hammasi yaxshi. Nihoyat, ushbu futbol bayrami biz uchun ham boshlanadi. Bu yerda atmosfera juda yaxshi. Barchani ochilish uchrashuvi bilan tabriklayman. Bizni juda yaxshi o‘yin kutib turibdi.

Niderlandiya terma jamoasi - bu ajoyib ijrochilarga ega juda qiziqarli jamoa. Ushbu jamoa o‘yin tarkibini o‘zgartira oladi va hujumkor futbolga moslashgan. Albatta ular o‘z uylarida o‘ynashgani kabi katta ustunlikka ega. Tomoshabinlarning qo‘llab-quvvatlashi tabiiy ravishda seziladi.

Bu biz uchun juda muhim o‘yin. Jamoa bunga tayyor. Biz mukammal o‘yinimizni o‘ynashimiz kerak. Biz gollandlarni hurmat qilamiz, ammo ularni yaxshi o‘rganib chiqdik. Har bir o‘yin uchun alohida rejamiz bor, ularning kuchli va kuchsiz tomonlarini bilamiz. Umid qilamizki, yakshanba kuni biz ajoyib o‘yin o‘tkazamiz va ijobiy natijaga erishamiz, - dedi Shevchenko.

Niderlandiya - Ukraina uchrashuvi 13 iyun kuni Amsterdamda bo‘lib o‘tadi va Toshkent vaqti bilan soat 00:00da boshlanadi.