«Бунёдкор» Анталия шаҳрида ўтказадиган ўқув-йиғини доирасидаги илк назорат учрашувини Чехиянинг «Баник Острава» жамоасига қарши ўтказади. Мазкур учрашув 4 февраль куни «Кремлин» стадионида бўлиб ўтади.
«Баник Острава» — Чехиянинг энг номдор клубларидан бири ҳисобланади. У собиқ Чехословакия чемпионатида уч бор ғолиб чиққан, 6 марта кумуш медалларни қўлга киритган ва бир марта бронза медаллари билан чекланишган. Чехословакия кубогининг уч карра соҳиби.
Чехиянинг 2004 йилдаги чемпиони. 1994, 2008 ва 2010 йилги мавсумларнинг вице-чемпиони. 2005 йили Чехия кубогини қўлга киритган бўлса, 2004 ва 2006 йиллари финалга чиққан.
