"Анжи" ҳимоячиси Роберто Карлос жамоа учун янги футболчиларни қидиришда ва музокаралар олиб боришда фаол иштирок этмоқда. Ўзининг янги лавозими ҳақида қуйидагиларни айтиб ўтди:

— Одатдаги режимда машғулотларда иштирок этаман. Мураббий мен майдонда кераклигимни айтса, ўйнайман. Майдон марказида Жусилей ва Одил Аҳмедов каби 23-24 ёшли футболчиларимиз бор. Улар кўпроқ ўйнаши лозим.

Менда team director лавозими борми? Ҳа, мен шундай лавозимдаман. Вазифаларим эса турлича. Мақсад — жамоанинг майдондан ташқари ҳаёти учун максимал шароитларни яратишда ёрдам бериш. Кичик камчиликларни сезсам, улар ҳақида дарҳол масъул шахсларга хабар бераман. Барча футболчилар клубга нисбатан максимал профессионал муносабатда бўлишлари лозим.

Ўзимнинг алоқаларимдан келиб чиқиб, шахсан ўзим музокаралар олиб бораман. Табиийки, аниқ исмларни айта олмайман. Аммо масъул шахслар билан биргаликда бундай ишларни олиб боряпман. Бу ерга келишни истайдиган юқори савиядаги футболчиларнинг қўнғироқларидан телефоним ёрилиб кетай дейди. Бу маънода "Анжи" икки нафар яхши сюрприз тайёрлашига ишонаман", — футболчининг сўзларидан иқтибос келтирмоқда "СЭ".