Наманганнинг "Навбаҳор" жамоаси собиқ бош мураббийи ва "Манчестер Юнайтед"нинг собиқ футболчиси Андрей Канчелскис Евро-2020 гуруҳ босқичининг биринчи ўйинида Англиянинг Хорватия устидан қозонган ғалабаси (1:0) ҳақида фикр билдирди.
«Англия ғалаба қозонади деб ўйлардим. Биринчи ўйин ҳар қандай жамоа учун жуда муҳимдир. Одатда инглизлар жуда кўп мухлислар қаршисида ўйнашган. Улар Еврода ҳам стадионлар тўлишини кутишганди. Аммо ҳозир шундай вақт. Англия терма жамоасининг ўйини унчалик таъсирчан бўлмаган, аммо улар 3 очкони қўлга киритишди. Ҳар ҳолда, мусобақани ғалаба билан бошлаш ҳар қандай жамоа учун жуда муҳимдир», - деди Канчелскис.
Кейинги турда Англия Шотландия билан ўйнайди, Хорватия Чехия термаси билан учрашади. Иккала учрашув ҳам 18 июн куни бўлиб ўтади.
