Лэмпард Тухелнинг "Челси"даги ишини юқори баҳоламоқда. "Аристократлар"нинг собиқ устози Френк Лэмпард клубдан кетганидан кейин, лондонликларни қабул қилиб олган Томас Тухелнинг ишига юқори баҳо берди.
"Мен шуҳратга даъво қилмоқчи эмасман. Пойдевор менинг иштироким билан ташкил этилди, аммо Томас Тухел кейинчалик "Челси" билан жуда яхши ишлади.
Биринчидан, мен "Челси"га мухлислик қиламан. Ва клуб ушбу ғалабага тўлиқ ҳақли эди. Иккинчидан, мен билан бирга жамоада пайдо бўлган Риз Жеймс, Мэйсон Маунт, Бен Чилуэллдан хурсандман. Мен бундан фахрланаман.
Менга мураббийлик иши,унинг ўзига хос қийинчиликлари ёқади, шунинг учун яна ушбу соҳага қайтишни истайман", - дея Лэмпарднинг сўзларини келтиради Football London нашри.
