«Ювентус»нинг собиқ бош мураббийи Андреа Пирло «Сампдория» бош мураббийига айланиши мумкин. Бу ҳақда журналист Николо Скира хабар беради.
Таъкидланишича, Пирлога «Сампдория»дан ташқари «Фенербахче» ҳам қизиқиш билдирган. Манбага кўра, юқорида айтиб ўтилган клублар вакиллари аллақачон Пирлонинг агенти билан боғланишган.
Эслатиб ўтамиз, Андреа Пирло 2020/2021 йилги мавсум тугагандан сўнг «Ювентус» бош мураббийлиги лавозимини тарк этди.