Австрия терма жамоаси ҳимоячиси Давид Алаба Евро-2020 гуруҳ босқичидаги Шимолий Македония (3:1) жамоасига қарши учрашувдан кейин, фикрлари билан ўртоқлашди.
28 ёшли футболчи битта голли узатма берди ва "учрашувнинг энг яхши футболчиси" деб топилди.
- Биз хурсандмиз, чунки биринчи ўйинда ғалаба қозониб, ушбу мусобақани муваффақиятли бошдик. Эсласангиз, Евро-2016 мусобақасини яхши бошлай олмадик. Бизда катта салоҳиятга эга яхши жамоа бор. Бугун буни захирадан майдонга тушган ва гол уриш имкониятига эга бўлган икки йигит мисолида кўриш мумкин. Бу биз учун жуда муҳим эди, - дейди Алаба.
Австрияликлар навбатдаги ўйинда Нидерландия термасига қарши баҳс олиб боришади.
