Журналист Николо Скиранинг хабарига кўра, "Рома" футболчилари Эдин Жеко ва Алессандро Флоренцининг агенти Алессандро Луччи клуб билан учрашади. Манбанинг хабарига кўра, Луччи Рим клубида ўз мижозларининг келажагини муҳокама қилади.

Хабар қилинишича, "Рома" 35 ёшли босниялик билан шартномани муддатидан олдин бекор қилишни истамайди ва 30 ёшли италиялик футболчи "ПСЖ"нинг тўлақонли трансфер борасидаги қарорини кутмоқда. Ўтган мавсумда Жеко "Рома" таркибида 38 та ўйин ўтказиб, 13 та гол урган ва 4 та голли узатмани амалга оширган. Флоренси мавсумни "ПСЖ"да ўтказиб, 36 ўйинда 2 та гол урди.