Дарвозабон Жанлуижи Доннарумма "ПСЖ" билан шартнома имзолади. Бу ҳақда твиттерда журналист Фабрицио Романо хабар бермоқда. Манбанинг хабарига кўра, келишув 2026-йилгача ҳисоблаб чиқилган. Италия терма жамоаси дарвозабонининг тиббий кўрикдан ўтиши Швейцария билан 16-июн кунига белгиланган Евро-2020 ўйинидан сўнг бўлиб ўтади.

Қайд этилишича, Доннарумма "ПСЖ"да қолади ва бошқа жамоага ижарага ўтмайди. У Кейлор Навас билан биринчи рақам учун курашади. Доннарумма 2020/21-йилги мавсумда "Милан" таркибида 48 учрашув ўтказиб, шулардан 15 тасида дарвозаси дахлсизлигини сақлаб қолган. Шунингдек, Париж клуби италиялик дарвозабонга йилига 12 миллион евро маош таклиф қилгани ҳақида хабар берилган эди.