Испания терма жамоаси бош мураббийи Луис Энрике Евро-2020 гуруҳ босқичининг 1-турида Швеция билан ўйин олдидан фикрлари билан ўртоқлашди.

- Учрашув учун бошланғич таркиб менинг ҳаёлимда озми-кўпми шаклланган. Аммо ҳар доим ҳам бирон бир нарса юз бериши мумкин - кимдир жароҳат олади, ўзини ёмон ҳис қилади. Ўйин тактикасини муҳокама қилгандан сўнг, бошимдаги ҳамма нарса тинчланиб қолади. Биз энг ёқимли онни бошдан кечирмоқдамиз. Биз стадионга келамиз, шу муҳитдан нафас оламиз ...

Ўйинчиларим мен улардан сўраган нарсани мукаммал тушунганликларини айтишса, хурсандман. Аммо улар майдонда худди шундай ўйин намойиш этишса, менга бундан ҳам кўпроқ ёқади, - деди Энрике.

Испания - Швеция учрашуви 14 июн, душанба куни соат 00:00да (Тошкент вақти билан) бўлиб ўтади.