"Манчестер Юнайтед" испаниялик ярим ҳимоячи Хуан Матани жамоада сақлаб қолмоқчи, деб хабар беради Sky Sports.
Манбага кўра, инглиз клуби футболчи билан янги шартнома борасида музокара олиб бормоқда, аммо унинг маошини камайтирмоқчи. "Манчестер Юнайтед" ярим ҳимоячига йилига олти миллион евро таклиф қилади, аммо ҳозирда у 10 миллионга яқин пул ишлаб топмоқда.
Матанинг "манкунианликлар" билан амалдаги шартномаси июнь охирида тугайди, шу сабабли у бошқа клубга текинга ўтиши мумкин.
Ўтган мавсум 33 ёшли Мата "Манчестер Юнайтед" таркибида барча мусобақаларда 18 учрашув ўтказди, учта гол урди ва учта голли пас берди.
