"Manchester Yunayted" ispaniyalik yarim himoyachi Xuan Matani jamoada saqlab qolmoqchi, deb xabar beradi Sky Sports.
Manbaga ko‘ra, ingliz klubi futbolchi bilan yangi shartnoma borasida muzokara olib bormoqda, ammo uning maoshini kamaytirmoqchi. "Manchester Yunayted" yarim himoyachiga yiliga olti million yevro taklif qiladi, ammo hozirda u 10 millionga yaqin pul ishlab topmoqda.
Mataning "mankunianliklar" bilan amaldagi shartnomasi iyun oxirida tugaydi, shu sababli u boshqa klubga tekinga o‘tishi mumkin.
O‘tgan mavsum 33 yoshli Mata "Manchester Yunayted" tarkibida barcha musobaqalarda 18 uchrashuv o‘tkazdi, uchta gol urdi va uchta golli pas berdi.
