Ўзбекистон Профессионал Футбол Лигаси Ўзбекистон Суперкубоги учун бўладиган ўйин санасини маълум қилди. Бу ҳақда ПФЛ расмий сайти хабар тарқатмоқда.
Унга кўра, Ўзбекистон чемпиони "Бунёдкор" ва Кубок соҳиби "Пахтакор" жамоалари шу йилнинг 11 март куни "Жар" стадионида тўқнаш келадиган бўлишди.
Олдинроқ бу сана ҳақида сайтимизда маълумот бериб ўтгандик. Бироқ Фарход Магометов буни расман тасдиқланмаганини таъкидлаб ўтганди. ПФЛ бугун ушбу хабарни расман тасдиқлади.