Янги Зелландия терма жамоаси сардори, 34 ёшли марказий ҳимоячи Райан Нельсен Лондоннинг «Тоттенҳэм» клуби аъзосига айланди, дея хабар берилмоқда Британия нашрларида.
Футболчи клуб билан ярим йилга мўлжалланган шартномага имзо чекди. Шунингдек, шартомада уни яна бир йилга узайтириш эҳтимоли ҳам қўзда тутилган.
Ўтган йилнинг апрел ойидан буён Нелсен фақатгина бир учрашувда майдонга тушган ҳолос. «Блэкберн»нинг собиқ аъзоси узоқ вақт давомида тиззасидан олган жарохатини даволатди.
Футболчи «Блэкберн» билан амалдаги шартномасини сешанба куни бекор қилди.
