"Манчестер Юнайтед" яримҳимоячиси Поль Погба жамоада кўпроқ ҳужумкор рол ўйнаш истагини билдирди.
- Тўғри, "Ювентус"да ҳамма нарса "Манчестер Юнайтед"га қараганда бошқача эди. Биз аллақачон Туринда учта ярим ҳимоячи билан 5-3-2 ўйнаганмиз. Мен янада тажовузкорроқ ўйнашни хоҳлардим. Бир мавсумда 15 та гол уриш мен истаган нарсадир. Аммо биз жамоа учун ишлашимиз керак. Францияда бўлгани каби Манчестерда ҳам жамоа доим индивидуалдан устун туради, - деди Погба.
Ўтган мавсумда Погба барча турнирларда 42та ўйин ўтказди, 6та гол урди ва 9та голли пас берди.
