Франция терма жамоасининг собиқ футболчиси Терри Анри Германияга қарши Евро-2020 ўйини олдидан ҳужумчи Килиан Мбаппе ҳақида гапирди.
"Бу йигит дурангни ғалабага, мағлубиятни дурангга айлантириши мумкин, баъзида эса деярли ютқазилаётган учрашувни ғалабага айлантириши мумкин. Унда шундай иқтидор бор. Мбаппе ўйин давомида доимий равишда ўйлайди ва менга у ёқади. "ПСЖ" эришган ютуқларни жуда ҳурмат қиламан, шунинг учун унинг кетиши мумкинлиги ҳақида гапириш мен учун адолатсизлик бўлади. Агар Килиан ҳаракат қилса, хоҳлаган нарсасига эришиши мумкин. У махсус футболчи", - деди Анри Goal.com сайтига.
