Португалия терма жамоаси Европа чемпионати гуруҳ босқичи 1-тур учрашувида Венгрияни мағлуб этди (3:0).

Ҳужумчи Криштиану Роналду мазкур баҳсда дубл қайд этди.

36 ёшу 130 кун ичида у Европа чемпионати учрашувида 2 та гол урган энг кекса футболчи бўлди.

Португалиялик Евро-2012 мусобақасида Швеция билан ўйинда иккита гол урган украиналик Андрий Шевченконинг рекордини янгилади. Ўша пайтда у 35 ёш ва 256 кун эди.
Венгерларга қарши ўйинда Роналду мусобақа тарихидаги энг яхши тўпурар, Европанинг бешта чемпионатида ўйнаган биринчи футболчи, шунингдек, йирик турнирлардаги ўйинлар сони бўйича рекордчига айланди.

Ушбу ғалабадан сўнг Фернанду Сантуш жамоаси 3 очкони қўлга киритди ва "F" гуруҳида 1-ўринни эгаллаб турибди Кейинги турда Португалия Мюнхенда Германия билан ўйнайди. Ушбу учрашув 19 июн куни бўлиб ўтади.