"Удинезе" ярим ҳимоячиси Родриго де Пол "Атлетико" сафига қўшилади. Журналист Фабрицио Романонинг сўзларига кўра, футболчи тез орада кўчиб ўтишдан олдин тиббий кўрикдан ўтади. Олдинроқ 27 ёшли аргентиналик футболчи билан 2026-йилгача шартнома имзолаши маълум бўлган эди.
Унинг маоши йилига 3 миллион еврони ташкил этади (қўшимча бонуслар билан бирга). "Атлетико" бонусларни ҳисобга олмаганда, футболчининг трансфери учун 35 миллион евро тўлайди. Де Пол ўтган мавсум А сериянинг атиги иккита учрашувини ўтказиб юборди, барча мусобақаларда 9 та гол ва 11 та голли узатмани амалга оширди.
