Кеча Европа чемпионати 2-туридан ўрин олган Италия ҳамда Швейцария баҳси (3:0) бўлиб ўтганидан хабарингиз бор.

Швейцарларга қарши ғалаба - италияликларнинг Евро-2020 даги иккинчи йирик ғалабаси. Эслатиб ўтамиз, турнирнинг очилиш учрашувида Туркия термаси ҳам "мовий гвардия"дан 3:0 ҳисобида азият чекканди. Европа чемпионати стартидаги иккита йирик ғалаба - турнирлар тарихидаги рекордни такрорлашга имкон берди.

Илгари бундай ишончли стартни фақат Голландия терма жамоаси бажарган эди, нидерландлар 2008 йилда ўша пайтдаги жаҳон чемпионлари - италянларни, шунингдек, французларни умумий 7:1 ҳисобида мағлубиятга учратганди.