"ПСЖ" "Интер" ҳимоячиси Ашраф Ҳакими трансфери бўйича сўнгги таклиф билан чиқди. Бу ҳақда Италия ОАВ хабар бермоқда. Манбага кўра, парижликлар Ҳакими учун 60 миллион евро тўлашга тайёр ва товон пули миқдорини оширмоқчи эмас. Ўз навбатида "Интер" Ҳакими учун 75 миллион евро талаб қилмоқда.
Томонлар ўртасидаги музокаралар муваффақиятсиз якунланиш арафасида. Ҳозирда Ҳакими учун асосий даъвогар Лондоннинг "Челси" клуби эканлигини қўшимча қиламиз. Аммо Чемпионлар Лигаси ғолиби ҳали Марокаш юлдузининг трансфери бўйича расмий сўровлар билан мурожаат қилгани йўқ.













