"Реал"нинг собиқ яримҳимоячиси Месут Ўзил Мадрид клуби томонидан эълон қилинган Серхио Рамоснинг кетиши ҳақидаги хабарларга муносабат билдирди.
"Клуб тарихидаги энг катта афсона кетмоқда. Сизга кейинги қадамингиз учун энг яхши тилакларимни тилайман. Мадридда бирга бўлган вақтимни ҳали ҳам яхши эслайман", - деб ёзди Ўзил твиттерда.
Маълумот учун, Рамос Мадрид клубида 2005-йилдан бери ўйнаб келмоқда. Унинг ҳисобида 450 дан ортиқ учрашув ва 72 та гол мавжуд.