Италиялик мураббий Геннаро Гаттузо "Тоттенхэм"ни бошқариши мумкин.
Лондон клуби "Рома"нинг собиқ мураббийи Паулу Фонсека билан музокара ўтказди, томонлар ҳатто оғзаки равишда шартнома тафсилотлари бўйича келишиб олишди, аммо келишув амалга ошмади.
Инсайдер Фабрицио Романо ёзганидек, бу ҳолат солиқлар сабаб амалга ошмаган. Италияда Фонсека солиқ имтиёзларига эга эди, аммо у ҳолат Буюк Британияда амалга ошмайди. "Тоттенхэм" фарқни тўлдирмоқчи эмас эди, шунинг учун музокаралар муваффақиятсиз тугади.
Энди Женнаро Гаттузо "Тоттенхэм"га тайинланишга яқин турибди. Италиялик бугун "Фиорентина"ни тарк этган эди. Мазкур мутахассис "бинафшаранглилар" сафида 23 кун давомида ишлади.
Бунгача "Тоттенхэм" Маурисио Почеттино ва Антонио Контени таклиф қилмоқчи эди.
