"Ред Булл Залцбург" ҳужумчиси Патсон Дака "Лестер"га кўчиб ўтади. Бу ҳақда журналист Фабрицио Романо хабар қилади. Манбага кўра, томонлар келишувга эришган. Трансфер ҳақида расман кейинги ҳафта эълон қилинади. ОАВ хабарларига кўра, "Ливерпуль", "Челси" ва "РБ Лейпциг" ҳам футболчига даъвогарлик қилишган.
Ўтган мавсумда 22 ёшли замбиялик форвард Австрия чемпионатининг энг яхши тўпурарига айланди. Унинг ҳисобида барча мусобақалардаги 42 учрашувда 34 та гол ва 12 та голли узатма мавжуд. Трансфермаркт портали ушбу футболчини 22 миллион еврога баҳоламоқда.
