Лондоннинг "Челси" клуби жамоага ҳимоячиси Ашраф Ҳакимини таклиф қилмоқчи.
Миланликлар футболчи учун 80 миллион евро олмоқчи, "Челси" ўз навбатида 60 миллион евро тўлашга тайёр. Аммо, "Интер" ушбу шартномага "Челси" футболчиларини қўшиш вариантини кўриб чиқишга тайёр. Sky Sports нашри хабарига кўра, томонлар шартномага Маркос Алонсо, Давиде Заппакоста, Эмерсон ва Андреас Кристенсен номзодлари қўшилиши мумкинлигини муҳокама қилишган.
Айтишларича, "нерадзуррилар" энг кўп Алонсо ва Заппакостага қизиқиш билдирмоқда.
Ўтган мавсумда 22 ёшли ҳимоячи Ҳакими "Интер" сафида А Сериянинг 37 учрашувида майдонга тушиб, 7 гол урди ва 8 голга узатма берди.
