«Рома» яримҳимоячиси Ченгиз Ундер Жозе Моуриньо қўл остида ўйнамоқчи эмас. Футболчи агентларига унга янги клуб топишни буюрди. Бу ҳақда журналист Николо Скира хабар беради.
Ундернинг хизматлари аллақачон Милан шаҳри бош жамоасига таклиф қилинган. Бироқ, «россонерилар»нинг талаблари турлича ва улар трансфер бозорида ўзлари кўзлаган вариантларда муваффақиятсизликка учраган тақдирдагина туркиялик футболчига мурожаат қилишлари мумкин.
Шу ўринда Германиянинг «Айнтрахт» клуби ҳам Ундернинг хизматларига қизиқиш билдираётганини қайд этиш лозим.
