«Roma» yarimhimoyachisi Chengiz Under Joze Mourinyo qo‘l ostida o‘ynamoqchi emas. Futbolchi agentlariga unga yangi klub topishni buyurdi. Bu haqda jurnalist Nikolo Skira xabar beradi.
Underning xizmatlari allaqachon Milan shahri bosh jamoasiga taklif qilingan. Biroq, «rossonerilar»ning talablari turlicha va ular transfer bozorida o‘zlari ko‘zlagan variantlarda muvaffaqiyatsizlikka uchragan taqdirdagina turkiyalik futbolchiga murojaat qilishlari mumkin.
Shu o‘rinda Germaniyaning «Ayntraxt» klubi ham Underning xizmatlariga qiziqish bildirayotganini qayd etish lozim.
