Бельгия терма жамоасининг ҳужумкор яримҳимоячиси Торган Азар Финляндия билан баҳсда жамоасига ёрдам беролмайди. Бу ҳақда «қизил иблислар» матбуот хизмати хабар бермоқда.
Дания билан ўйинда Азар тиззасидан енгил жароҳат олган (2:1). Бельгия терма жамоаси мураббийлар штаби Торганни гуруҳ босқичининг сўнгги учрашувига жалб қилмасликка қарор қилди.
Эслатиб ўтамиз, бельгияликлар Европа чемпионатининг плей-офф босқичига чиқишни кафолатлаб бўлишган. Роберто Мартинес шогирдлари икки учрашувда 6 очкони қўлга киритишди.
