«Барcелона» президенти Жоан Лапорта Лионель Мессининг янги шартномаси билан боғлиқ вазиятга яна бир изоҳ киритиб ўтди.
Лео ҳали ҳам «Барса» билан ўзаро ҳамкорликни кенгайтиришга рози бўлмаяпти. У 1 июлдан эркин агентга айланиши мумкин.
«Биз ҳамма нарсани имкон қадар тезроқ ҳал қилинишини истаймиз. Ушбу вазиятда иштирок этган ҳар битта томонга Мессининг қолиши катта ёрдам беради.
Мен Месси билан доимо алоқадаман ва у «Барселона»да қолишни истаётганини аниқ айтган. Бунинг учун мен ундан миннатдорман”, - дейди Жоан Лапорта испаниялик журналистлар билан бўлган бир интервьюсида.
