Хабарингиз бор, Одил Аҳмедов терма жамоадаги фаолияти якунланганини маълум қилди. Келинг, Аҳмедовнинг миллий жамоамиздаги фаолиятини ёдга оламиз:

2007 йилда Одил миллий терма жамоа сафида дебют қилган. Ўшандан бери 106 та ўйин ўтказди ва 21 та гол уришга муваффақ бўлди. 4 та Жаҳон чемпионати саралашида қатнашди, 3 бор Осиё кубогида иштирок этди ва "Ўзбекистон Республикасида хизмат кўрсатган спортчи" фахрий унвони билан тақдирланди.

Одил Аҳмедов нафақат Ўзбекистоннинг, балки ўз вақтида Осиёнинг энг ёрқин футболчиларидан бирига айланди. Аҳмедов деганда ишонч, фидоийлик, жонкуярлик тимсоллари кўз олдимизга келади.

Бутун ўзбек футболи жамоатчилиги, Футбол ассоциацияси ва мухлислар номидан Одил Аҳмедовга узоқ йиллик фаолияти учун миннатдорчилик билдирамиз.

Одил Аҳмедовнинг болалар ва ўсмирлар футболини ривожлантириш борасидаги режаларида улкан омадлар тилаймиз. Умид қиламизки, у кейинги фаолиятида ҳам футболимиз довруғини оширишга ўз ҳиссасини қўшишда давом этади.