«Барселона» ёзги трансферлар вақтида португалиялик яримҳимоячи Франсишку Тринкауни сотиб юбориши мумкин, деб хабар берди Diario Sport.
Манбага кўра, Каталония клуби футболчини 30 миллион еврога баҳолаган. Англиянинг топ-клублари форвардга қизиқиш билдирмоқда.
Ўтган мавсумда 21 ёшли Тринкау «Барселона» таркибида барча мусобақалар доирасида 42 учрашув ўтказиб, учта гол урди ва иккита голли пас берди. Унинг клуб билан амалдаги шартномаси 2025 йилнинг ёзигача амал қилади.
Олдинроқ «Барселона» нуфузли банк билан шартнома имзоламоқчи экани ҳақида хабар берган эдик