Ҳужумчи Эдин Жеко А Серияда қолишни режалаштирмоқда. Бу ҳақда La Gazzetta dello Sport нашри хабар беради. 35 ёшли боснияликнинг "Рома" билан амалдаги шартномаси 2022-йил 30-июнда ўз якунига етади, аммо Рим клуби бир мавсумда 7,5 миллион евро маош оладиган футболчи билан шартномани бекор қилишга ва уни эркин агент сифатида озод қилишга тайёр. Ҳужумчига "Ювентус" ва "Милан" қизиқиш билдирмоқда.
Италия чемпионатининг якунланган мавсумида Жеко 38 учрашув ўтказиб, 13 та гол ва тўртта голли узатмани амалга оширди. Эдин "Рома"да 2015-йилдан бери ўйнаб келмоқда. Олдин у Англиянинг "Манчестер Сити", Германиянинг "Вольфсбург", Чехиянинг "Теплисе" ва "Усти над Лабем" жамоаларида, шунингдек, Босниянинг "Элезничар" клубида ўйнаган. Трансфермаркт портали футболчини 4 миллион еврога баҳоламоқда.
