АГМК Суперлиганинг қолдирилган 6-тур ўйинида Олмалиқда «Қизилқум»ни меҳмон қилади.

АГМК ҳамда "Қизилқум" жамоаларининг ўйинлари тарихига назар соладиган бўлсак, шу пайтга қадар ички чемпионатда жами 28 бор тўқнаш келган бу икки клубнинг ўзаро учрашувларида устунлик олмалиқликлар тарафида. АГМК ҳисобида 13 ғалаба, «Қизилқум»да 11 ғалаба мавжуд ва қолган 4 ўйинда эса ғолиб номи аниқланмаган. Тўплар нисбати ҳам АГМК фойдасига: 48-40.

Айни пайтда "Қизилқум" 11 очко билан турнир жадвалида 9-поғонани эгаллаб турибди, АГМК эса 19 очко билан 3-ўринда бормоқда.

АГМК — «Қизилқум» учрашувини Акобирхўжа Шукуруллаев бошқаради. Мазкур ҳакам 11-бор "кончилар" иштирокидаги учрашувда бош ҳакам сифатида ишлайди. Ўтказилган 10 учрашувнинг 8тасида АГМК ғалаба қозонган бўлса, 2 баҳсда мағлубият қайд этилган.

Ўйин 22 июнь куни, яъни бугун ОКМК спорт мажмуасида соат 20:00да бошланади.

Суперлига, 6-тур. Қолдирилган ўйин.
22 июнь, сешанба
АГМК – «Қизилқум» (20:00)
Ҳакамлар: Акобирхўжа Шукуруллаев, Бектурсин Канназаров, Жалғасбай Сарсенов, Султонмурод Абдураҳмонов
Назоратчи: Игорь Нехочин
Комиссар: Сардор Қудратуллаев