AGMK Superliganing qoldirilgan 6-tur o‘yinida Olmaliqda «Qizilqum»ni mehmon qiladi.
AGMK hamda "Qizilqum" jamoalarining o‘yinlari tarixiga nazar soladigan bo‘lsak, shu paytga qadar ichki chempionatda jami 28 bor to‘qnash kelgan bu ikki klubning o‘zaro uchrashuvlarida ustunlik olmaliqliklar tarafida. AGMK hisobida 13 g‘alaba, «Qizilqum»da 11 g‘alaba mavjud va qolgan 4 o‘yinda esa g‘olib nomi aniqlanmagan. To‘plar nisbati ham AGMK foydasiga: 48-40.
Ayni paytda "Qizilqum" 11 ochko bilan turnir jadvalida 9-pog‘onani egallab turibdi, AGMK esa 19 ochko bilan 3-o‘rinda bormoqda.
AGMK — «Qizilqum» uchrashuvini Akobirxo‘ja Shukurullayev boshqaradi. Mazkur hakam 11-bor "konchilar" ishtirokidagi uchrashuvda bosh hakam sifatida ishlaydi. O‘tkazilgan 10 uchrashuvning 8tasida AGMK g‘alaba qozongan bo‘lsa, 2 bahsda mag‘lubiyat qayd etilgan.
O‘yin 22 iyun kuni, ya’ni bugun OKMK sport majmuasida soat 20:00da boshlanadi.
Superliga, 6-tur. Qoldirilgan o‘yin.
22 iyun, seshanba
AGMK – «Qizilqum» (20:00)
Hakamlar: Akobirxo‘ja Shukurullayev, Bektursin Kannazarov, Jalg‘asbay Sarsenov, Sultonmurod Abdurahmonov
Nazoratchi: Igor Nexochin
Komissar: Sardor Qudratullayev
