Франция терма жамоаси дарвозабони ва сардори Уго Льорис Португалияга қарши Европа чемпионати гуруҳ босқичининг 3 тур учрашуви жамоа учун катта муаммо деб атади.
- Криштиану Роналдуни таништиришга ҳожат йўқ. У жамоасининг Евро-2020 плей-офф босқичига чиқиши учун ҳамма нарсани қиладиган тарихдаги энг буюк футболчилардан биридир.
Португалия билан ўйнаш биз учун катта қийинчилик туғдириши мумкин. Улар ҳали ҳам 1/8 финалга чиқиш учун кураш олиб боришмоқда. Биз ҳам гуруҳда имкон қадар юқорироқ ўринларни эгаллашга интиламиз. Мақсадимиз турнирдаги юришимизни давом эттириш, шунингдек, гуруҳнинг сўнги учрашувини ғалаба билан якунлаб, плей-офф олдидан ўзимизга бўлган ишончни ошириб олишдир, дейди Льорис.
Эслатиб ўтамиз, Франция ва Португалия ўртасидаги баҳс 23 июнь куни, Тошкент вақти билан соат 00:00да бошланади.
