Fransiya terma jamoasi darvozaboni va sardori Ugo Lyoris Portugaliyaga qarshi Yevropa chempionati guruh bosqichining 3 tur uchrashuvi jamoa uchun katta muammo deb atadi.
- Krishtianu Ronalduni tanishtirishga hojat yo‘q. U jamoasining Yevro-2020 pley-off bosqichiga chiqishi uchun hamma narsani qiladigan tarixdagi eng buyuk futbolchilardan biridir.
Portugaliya bilan o‘ynash biz uchun katta qiyinchilik tug‘dirishi mumkin. Ular hali ham 1/8 finalga chiqish uchun kurash olib borishmoqda. Biz ham guruhda imkon qadar yuqoriroq o‘rinlarni egallashga intilamiz. Maqsadimiz turnirdagi yurishimizni davom ettirish, shuningdek, guruhning so‘ngi uchrashuvini g‘alaba bilan yakunlab, pley-off oldidan o‘zimizga bo‘lgan ishonchni oshirib olishdir, deydi Lyoris.
Eslatib o‘tamiz, Fransiya va Portugaliya o‘rtasidagi bahs 23 iyun kuni, Toshkent vaqti bilan soat 00:00da boshlanadi.
