Испаниянинг энг кўп тиражли газеталаридан бири бўлган — AS газетасининг хабар беришича, “Реал Мадрид” бош мураббийи Жозе Моуриньони интернетдаги Google қидирув тизимида энг кўп Барселона шаҳри аҳолиси қидирар экан. Газета бу маълумотни Google маълумотларига таяниб, маълум қилган. Барселоналиклар Моуриньо исмини Google нинг ойначасига 86 миллион марта ёзишган экан. Ҳатто Мадридда яшовчилар португалиялик мураббийни бу даражада кўп излашмас экан. Мавсум сўнгида “Челси” ёки “Тоттенхэм” клубларидан бирига ўтиши тахмин қилинаётган мураббийни кўп қидирувчилар рейтингида учинчи ўринда валенсияликлар туришибди.













