Португалия терма жамоаси бош мураббийи Фернанду Сантуш Бельгия билан 1/8 финалдан олдин кўпроқ дам олишларига изоҳ берди.
«Бельгия биздан 48 соат кўп дам олади. Бу катта устунлик. Бу ўйин олдидан ўта муҳим омил. Биз қийин аҳволга тушиб қолдик. Футболчилар қўшимча кучни ҳис қилишлари учун ҳам дам олишлари керак.
Бельгияликлар каби яроқли захирамизни олдиндан кўрмаяпман. Бироқ, низом бизнинг қўлимизда эмас. Уни биз танлай олмаймиз.
Бельгиянинг ўйинларини таҳлил қилиб, чорак финалга чиқишга ҳаракат қилишимиз керак», - дея Сантушнинг сўзларини келтирмоқда УЕФА матбуот хизмати.
Эслатиб ўтамиз, гуруҳ босқичида Бельгия Россия, Дания ва Финляндияни мағлуб этиб, биринчи ўрин билан келаси босқичга йўл олди.
