Бугун Мадриднинг «Реал» клуби етакчиси Криштиану Роналдунинг туғилган куни.

У Лиссабоннинг “Спортинг” клубида ягона мавсумни ўтказгач, 2003 йилда Англия гранди - “Манчестер Юнайтед” сафига қўшилди. Алекс Фергюссон жамоасида Криштиану уч карра Англия чемпионлигини қўлга киритди, икки бор Лига Кубоги ғолибига айланди. Чемпионлар Лигаси, Англия Кубоги, Англия Суперкубоги, клублар ўртасидаги Жаҳон чемпионати каби мусобақаларда бир мартадан зафар қучди.

2009 йилда “Реал” сафига қўшилган Роналду икки бор мамлакат вице-чемпиони бўлди, Испания Кубогини қўлга киритди.

Португалия терма жамоаси билан Евро-2004 мусобақасининг финали иштирокчисига айланган.

Юқорида санаб ўтган ҳар бир мусобақада ҳужумчининг шахсий мукофотлари талайгина. Роналду икки марта “Олтин бутса”га эга чиққан, икки марта Испания чемпионати ва уч марта Англияда чемпионатининг тўпурарига айланган.