Ўзбекистон терма жамоаси бош мураббийи Вадим Абрамов эса кечаги матбуот анжуманида берилган саволга жавоб бериш билан ўз фикрларини бошлади.
Кеча менга савол берилганди: «Агар Австралияга мағлубиятга учрасангиз, об-ҳавони баҳона қиласизми?» Ўша саволга ҳозир жавоб бераман: Биз Австралияни об-ҳаво ёрдамида мағлуб этдик.
- Австралия билан биринчи ўйиндан кейин айтган сюрпризингиз нимадан иборат бўлди?
- Биз ўйинни соат 20:00га қўйиб, вақт фарқи эвазига Австралияни «сюрприз» тайёрламоқчи бўлгандик. Гап шундаки, биз кўп мамлакатларга борамиз ва вақт фарқини яхши ҳис қиламиз. Тошкентда соат 20:00 бўлганида эса Авсралия соат тунги 02:00 бўларди. Ўйин вақтининг кўчирилиши бироз инсон таъбини хира қилди. Биз қаерга ўйнаш учун бормайлик, ҳар доим ўрнатилган тартиб қоидага риоя қиламиз. Масалан, бир марта август ойида ўйинни соат 17:00 га қўйишганди. Жизирама иссиқда индамай ўйнагандик. Австралия ҳам биз билан ўйиндан олдин Ироққа қарши ўйинни бир кун олдин ўтказди. Тўғри, бунда Австралияда айб қўй. Фақат ФИФА бунга эътибор қаратиши лозим эди.
Кеча митинг пайтида ҳам ҳаммаси жойида эди, ўйин белгиланган вақтида ўтиши зарур эди. Кейин эса Австралияликлар унга-бунга мурожаат қилишди ва ФИФАдан қандайдир Гордон деган одам телефон қилиб, ўйинни кўчириш учун аниқ сабаб топа олмай, совуқда футболчилар ўлганлиги ҳақида гапира бошлади. Шундай биз уларга жавоб бердик: Бизга фарқи йўқ. Менга деса эрталаб соат 5 да ўйин ўтказилмайди, биз ўйнашга тайёрмиз!
- Демак, ўйин вақтининг ўзгартирилиши футболчиларга салбий таъсир кўрсатмади?
- Йўқ, аксинча, бу қарор футболчиларимизнинг жаҳлини чиқарди. Шунчаки бизнинг қарорларимизни ҳам ҳурмат қилишларини истаймиз.
- Бугун шогирдларингизнинг ҳаракатларига қандай баҳо берасиз? Жумладан, Олег Зотеевнинг ўйинига?
- Бугун нафақат Зотеев, балки барча футболчилар бирдек ҳаракат қилишди. Бугунги ўйинда техникадан кўра, футболчиларнинг жанговорлик хислати ва омад муҳим рол ўйнарди. Кенжанинг голидан кейин бироз хотиржам бўлиб, тўп билан ўйнай бошлади. Барча футболчиларга алоҳида миннатдорчилик билдираман.
- Бугунги ҳакамлик ҳақида нима дея оласиз?
- Бугунги ҳакамлик нормал бўлди. Улар ўйинни бошқатдан кўриб чиқишлари мумкин. Инобатга олинмаган дастлабки голда офсайд бўлганини мен ҳаттоки захира ўриндиғидан туриб яққол кўра олдим. Фақат ҳакам буни кеч кўрсатди. Иккинчи вазиятда эса Ислом Тўхтахўжаевга нисбатан ўйин қоидасини бузишди. Фақатгина Олег Зотеевга иккинчи сариқ карточкани кўрсатиш ёки кўрсатмаслик борасида балки баҳслашиш мумкин.
- Абдухолиқовни нима учун эрта алмаштирдингиз?
- У ўйинга киришиб кета олмади. Боз устига, танлаган оёқ кийими ҳам унга майдонда эркин ҳаракат қилиш имконини бермади. Исматуллаевда ҳам худди шундай ҳолат кузатилди.
- Нима учун жамоа иккинчи бўлимда дастлабкисидагидек ҳаракат қила олмади.
- Ҳисобда олдинда бораётганимиз учун футболчилар руҳий жиҳатдан таваккал қилишни исташмади. Яъни олдинги ўтиб, ҳимояни бўш қолдиргандан кўра, ҳисобни ушлаб қолишга ҳаракат қилинди.
- БААда Филиппиндан ташқари яна бошқа ўртоқлик ўйинлари ҳам ўтказиладими?
- Ҳа, Баҳрайн олимпия терма жамоаси бизга таклиф билан чиқяпти. Балки улар билан ўйнармиз. Шунингдек, яна бир ўртоқлик ўйинини ташкил қилиш ниятимиз бор.
- Ироқ билан бўладиган кейин ўйинда ғалаба қозониб, жамоа олдига Олимпиада йўлланмасини ҳал қилиш вазифасини қўясизми?
- Бизнинг олдимизга олимпиада йўлланамасини қўлга киритиш вазифаси қўйилган. Уни қайси ўйинда қўлга киритишимиз муҳим эмас. Бугун бўлиб ўтадиган гуруҳдаги иккинчи ўйин натижасини кутамиз ва кейинги ўйинда Ироқни мағлуб этиш билан Лондонга бориш вазифаси ҳал қилинадиган бўлса, биз уни охирги ўйингача сўзиб ўтирмаймиз, албатта.
- Вадим Карленович, ўзингизга ишонаётгандек кўриняпсиз...
- Шунчаки, кресло яхши бўлгани учун яхши ўтирибман (залда кулги кўтарилади). Олдинда ҳали 2 та ўйин бор. Ҳали хотиржамликка берилишга эрта. Ҳозирча Ўзбекистон миллий терма жамоаси 4-босқичга чиққанини ишонч билан гапира оламан. Олимпиячилар вазифани уддалашсин, кейин хотиржам бўлишимиз мумкин. Унгача ҳали кўп ишлашимиз лозим.
