Олимпиячиларимизнинг бугунги ғалабасида қишнинг қаҳратонига қарамасдан «Жар» стадионида тик оёқда туриб, қўллаб-қувватлаган мухлисларнинг ҳам ҳиссаси беқиёсдир.
Абдураҳмон Фозилов бошчилигидаги терма жамоамиз фан-клуби ҳам учрашувда бир қатор янгиликларни амалга оширди. Айниқса, қарама қарши трибуналардаги мухлисларнинг навбати билан Ўз-бек-ис-тон деб бақиришлари жуда гўзал чиқди.
Бундан ташқари, мадҳиямиз куйланаётганда узунлиги 100 метр, эни 20 метр бўлган улкан байроғимиз кўтарилгани мутлақо кутилмаган ва кишига завқ берадиган ҳол бўлди.
Айтиш мумкинки, юзаси 2000 квадрат метрдан зиёд бўлган байроқни фақат Европанинг жуда йирик стадионларида бўлиб ўтган ўйинларда баъзан кўрганмиз. Россия терма жамоаси фанатларининг айиқ сурати туширилган байроғи ҳам бунчалик катта юзага эга эмас.
