Лондон олимпиадасига йўлланма берувчи саралаш турнирининг Ўзбекистон олимпиячилари ўрин олган «В» гуруҳининг иккинчи учрашуви Қатардаги «Ал-Аҳлий» стадионида Ироқ ва БАА олимпиячилари ўртасида бўлиб ўтди.
Гарчи ушбу учрашувда бизни ҳам, ҳаттоки австралияликларни ҳам дуранг натижа қониқтириши гапирилган бўлса-да, учрашувда амирлик футболчилари ўзларининг тезкор голлари эвазига ғалаба қозонишди.
Учрашувнинг 3-дақиқасидаёқ марказда эгалланган тўп қарши ҳужум бошлашга дебоча бўлди ва амирликлар ҳужумчиси Аҳмад Али ал-Абрий 20 метрлардан дарвозанинг чап тўққизлигини нишонга олди.
Ушбу гол ўйин сўнгигача ягоналигича қолди. Бу ғалабадан сўнг амирлик футболчилари очколари сонини 5 тага етказиб, 2-ўринга кўтарилиб олишди. Гуруҳда 4 очкога эга бўлган Ироқ терма жмоаси учинчи ўринда бўлса, «олируз»лар бугунги мағлубиятдан сўнг сўнгги поғонага тушиб кетишди.
ИРОҚ — БАА 0:1 (0:1)
Гол: Аҳмад Али ал-Абрий (3)
