Bild нашри Дани Ольмо Мадриднинг «Атлетико» футболчисига айланиши мумкинлиги ҳақида турли хабарларни тарқатмоқда.
«Матрасчилар» яримҳимоячининг Европа чемпионатидаги ўйинларини диққат билан кузатиб бормоқда. Аммо «Атлетико» айни дам молиявий қийинчиликлар туфайли Ольмони сотиб олиш ғоясидан воз кечиши ҳам мумкин.
Шунингдек, испан хизматларига «Реал» ҳамда «Барселона» ҳам қизиқаётгани ҳақида хабар берилган эди. 23 ёшли футболчининг ўзи эса фаолиятини Германияда давом эттиришни хоҳлаяпти.
Ўтган мавсумда Ольмо Германия чемпионатида 32 та ўйин ўтказиб, бешта гол урди ва 9 та голли пасни амалга оширди.
